今日介紹一個樣子好成熟嘅靚女畀大家認識，名字叫做范婷，嚟自陝西西安嘅阿妹，咪睇佢咁成熟，原來今年先至啱啱十九歲，真係睇相點都睇唔出佢廿歲都未夠。入行兩年都未夠嘅范婷，冒起之快真係令人側目，佢接拍嘅廣告或者硬照，九成都係大師級嘅作品，並唔係普通少女時裝照咁簡單，能夠得到咁多大師垂青，范婷除咗樣子夠成熟之外，佢仲有過人之處，就係扮乜似乜，同埋拍攝性感照時一啲都唔錫身，好多照片都見到佢要全裸演出，但佢眉頭皺都冇皺一下，好多同年紀嘅模特兒，萬一遇上咁嘅情況，都會顯得尷尬，就算搞得掂經理人，到囡囡埋位時都會唔係太自然，好難拍出好嘅效果，但係范婷就冇咁嘅問題，每輯相都十分投入，所以相信不久將來，范婷嘅名字一定會紅遍大江南北。