渡海濠情:清袋唔使驚 失敗再學精

最近經常聽到「一鋪清袋」,有朋友話做生意唔係賺就係蝕o架啦!今日介紹嘅澳門美女,嚟自十八桑拿嘅技師飛飛,佢都話做生意同投資,一鋪清袋有幾閒,自己都試過幾次,家陣咪一樣撈得咁掂!

拍拖所累

飛飛話:「自己十八歲仲讀緊書嘅時候,就已經同朋友開時裝店,曾經有一段時間搵到錢,但後嚟掛住拍拖,冇時間同心機揼落去,慢慢就轉盈為虧,最後仲一鋪清袋,渣都冇得剩,走嘅時候仲欠房東三個月租添!足足分九個月至還得晒,後嚟唔忿氣,於是同男朋友夾份開糖果店,起初生意好好,為咗唔好重蹈覆轍,於是日日落店睇住,點知冇睇住男朋友一排,佢就作怪,竟然喺出邊勾三搭四,畀我撞到都唔認,最後使出捉姦在床,佢至肯承認錯誤,但已經冇彎轉,焗住要同佢分手。」

屢敗屢戰

咁間店又點呀?飛飛話:「由於大受失戀嘅打擊,於是賣嘅糖都唔再甜啦!人客就愈嚟愈少,於是又一鋪清袋,今次唔只蝕晒啲錢,而且連男朋友都冇埋,你話係咪傷上加傷呢?」咁有冇放棄呀?飛飛笑笑口話:「好在有朋友鼓勵我開咗間小型網吧,由於唔使點管理,所以搵到第一桶金,而且喺裏面識到好多宅男朋友,真係近水樓台先得月,家陣開咗間更具規模嘅網吧,生意仲不知幾好添!所以做生意遇上幾多次失敗都好,只要有信心,屢敗屢戰,總有機會畀你東山再起嘅!」

飛飛Profile

年齡:21歲

三圍:34-23-35

興趣:做生意

撰文:小德 攝影:阿章