讀書嘅時候，最怕唔係畀老師罰抄，而係坐無影櫈，因為呢門功夫真係需要強勁嘅腰力同腳力，否則不能維持姿勢至落堂。同樣地，同空氣做愛都一樣需要極強體能，而且仲要加上豐富幻想以及感情，乜有人會同空氣交歡嘅咩？有！所以就出現空氣性愛錦標賽囉！
唔知大家有冇留意網上短片，早幾年開始，芸芸短片當中出現好多玩結他嘅高手，而佢哋所玩嘅結他並非實物，而係所謂嘅空氣結他，玩法由佢哋幻想自己彈奏。而出現空氣結他差不多同一時期，又於日本出現空氣性愛，講起嚟都有少少無聊，因為玩家只係憑空想像自己進行交歡，但係難得佢哋又玩到七情上面，叫聲更甚於實際房事，令人大開眼界。後來空氣性愛嘅短片輾轉流傳海外，令外國人亦睇得嘖嘖稱奇，於美國德州更加出現空氣性愛錦標賽（The Air Sex World Championships）！呢個錦標賽自2009年初次舉辦以來，每個季度都會舉辦一次，有超過十四個國家嘅奇人參賽，相當國際化。
最近，空氣性愛錦標賽又再展開，並於日前圓滿結束。當日嘅盛況仲未有相片公布，但係小弟在此為大家講解一下佢哋嘅比賽方法先。錦標賽嘅參加者每人都需要上台表演同空氣交歡，每人表演時間有兩分鐘。於呢兩分鐘內，參加者就要好似進行單人話劇一樣，單獨演繹同異性（空氣）見面，之後攀談，然後進行前戲，最後埋牙交歡。當然，如果自問係急色之人，亦可以直接了當，一嚟就翻雲覆雨。而過程當中，參加者絕對唔可以用雙手摸私處，裸露私處亦一樣唔得，事關自摸可以令自己產生高潮，有違空氣性愛全憑幻想嘅原則，而露出性器亦會令其他參賽者產生反應，同樣違犯規則。
唔准自摸，對於好多有意參加嘅人士嚟講可以係一個大問題，但係賽會又唔係咁衰嘅，因為佢哋容許參加者帶埋自己覺得最能夠帶出氣氛嘅音樂MP3，比賽嘅時候就可以播出嚟提升氣氛同感覺，助力不少o架。大家可能會問：又唔准裸露，旁觀者可能冇乜眼福喎。非也，一眾參加者嘅表現真係肉緊過真做，佢哋扮作進行各種性愛招式嘅時候，表情同叫聲俱入木三分，有好多女仔仲會表演非凡性技，例如一字張腿騎乘，又或者拱橋吹奏，招式之精妙精彩，實在令人拍案叫絕。若然大家覺得自己有獨門絕技，亦唔怕醜放膽同空氣交歡，不妨參加喇。
撰文：賢