讀者陳先生：本人太太今年三十三歲，經常面青唇白，手腳冰冷，睇過唔少醫生都話冇事，後嚟做咗個全身檢查，先至發現患有缺鐵性貧血，醫生話除咗以上病徵之外，嚴重嘅仲會出現性冷感，其實呢種情況都出現咗一段日子，事關成日都話唔舒服，好耐都冇同太太行埋，就算偶一為之，太太都係冇厘反應，希望我草草了事就算，令本人十分洩氣，現在想問吓缺鐵性貧血，係咪會影響到夫妻嘅性生活，萬一真係得咗咁嘅病，又應該如何去治好佢呢？
答：缺鐵性貧血主要會影響皮上細胞，所以外表上皮膚會比較粗同乾燥，而子宮內壁其實亦會一樣，會出現萎縮和缺乏彈性嘅情況，如果勉強進行性交，係會出現磨損同埋赤痛嘅感覺，另外缺鐵性貧血患者體質較弱，劇烈運動時會出現缺氧現象，如果床笫之戰時，女性會出現暈眩或者嘔吐嘅情況，更會加添性交時嘅負面影響，久而久之就會失去性趣，出現性冷感嘅情況，其實只要遵照醫生吩咐，好好調理身體，病情係可以復原嘅，不用擔心。
撰文：陽起子