夜場中，囡囡同入場嘅女客點分？前者可以開價上房，後者係用嚟溝，之所以要分皆因內地D場及酒吧愈來愈多玩家幫襯，出現咗客多女少情況，結果一眾雞頭就將旗下囡囡推到夜場「散貨」，玩家正係憑腳上一對絲襪作記認，若然女人着錯絲襪被當「囡囡」點算好？惟有怨自己唔好彩囉！
內地武昌大小酒吧及D場近月出現所謂「絲襪女」搵食，只要男人睇啱心水就可直接上前問價，雙方傾好交易前，囡囡就會走到雞頭面前攞鎖匙上房。據玩家爆料話，近年後生一輩鍾意去夜場消費以倍數上升，消費金額比夜總會更勁，因此賣淫集團為開新客源，決定將囡囡推到酒吧及D場搵食！一位雞頭解釋：「表面睇酒吧及D場搵生意好似好被動，實際上囡囡出街機會比夜總會或骨場更快更高！理由好簡單，喺酒吧飲酒嘅人客都鍾意溝女猜枚飲酒，若然囡囡免費陪佢哋飲酒吹水，好容易混熟，飲到幾杯到肚，自然就想曳曳，加上囡囡嘅甜言蜜語，上房話咁易！」集團正係透過玩家溝女心理，每晚安排十多位囡囡喺酒吧或D場扮「酒客」坐鎮！當有人客入場，囡囡可選擇被動或主動出擊，同人客飲酒猜枚，期間如發現對方有意思就會提出上房要求，相反成個「呆佬」咁就會自動散水！
為更有系統管理，雞頭要求囡囡清一色着絲襪「返工」，方便自己辨認亦方便人客揀女，雞頭解釋：「一間吧十幾件女，有時自己都記唔晒，有機會將女客當囡囡，所以規限囡囡要着短裙絲襪開工，人客有索腿睇，我哋又易認，另一方面囡囡要『輪牌』，即是剛出完街嘅囡囡翻枱要排最後，畀其他女先上，所以每次上房後都要換一對較為簡單款式嘅絲襪，視覺上冇咁誘感，人客就唔會太想啅！」賣淫集團果然好有系統，難怪「絲襪女」短短幾個月已發展到嫖友組團落酒吧等女到，睇啱就拉埋枱請酒，免費吹足半個鐘再上房Happy，可謂貪盡小便宜！
撰文：祖