小弟一直以為「樓上唔好嘈」呢句說話，只會發生喺住家度，從未諗過酒店都會出現咁嘅情況！早排同朋友E歎茶，佢就同我講咗一段經歷：話說佢之前去咗HZ夜總會玩，由於當晚係禮拜六嘅關係，唔少有星嘅酒店唔係爆晒，就已經畀人訂咗。同行有人提議，不如搵一間近夜總會嘅賓館，起碼勝在方便嘛，如是者，眾人就入住咗夜總會側邊嘅賓館。
玩完、飲完，係時候上房做正經嘢。正當朋友E玩到不亦樂乎之際，突然有位內地中年漢，氣沖沖咁拍門。對方係朋友E樓下嘅住客，原來係上門投訴朋友E咁夜仲喺度砰砰嘭嘭，嘈住佢瞓覺咁話。當時朋友E完全冇諗過，樓上樓下竟然唔隔音，正想開口還擊之際，突然聽到樓上傳來砰砰嘭嘭嘅聲音，而住喺佢樓上嘅正好係佢個朋友。原來賓館樓層之間嘅隔音好差，上面只要郁得勁啲都會嘈到樓下，加上半夜時分，難怪樓下住客詐型啦！
特攻語錄：樓層隔音差，郁吓嘈拆天！難道要收油？點玩呀朋友！
撰文：馳力王