小弟同普遍香港人一樣，都患上政治冷感，過住貪圖安逸，不問政情嘅悠閒日子。不過，我最近就變成一個成日對政治醜聞作出示威嘅女權團體嘅小粉絲，點解？因為佢哋係出晒名嘅烏克蘭女權維護團體FEMEN囉！呢班女權分子真係膽生毛，上次佢哋殺到去法國，去到前國際貨幣基金會總裁卡恩屋企門口示威之後，最近又遠征意大利，要好色總理落台。而為咗加入當地特色，女團員一如以往咁露兩點，並分別塗上意大利國旗嘅三種顏色—─綠、白、紅嘅彩繪，其膽識與美色俱值得欣賞，叫我如何唔成為佢哋嘅粉絲呢。