美國紐約有個好出名嘅中央公園，以佔地廣闊，四季景色怡人而聞名於世。不過最近中央公園就多咗好多不速之客，佢哋係一批中年失婚婦人，要知道美國嘅離婚率係好高，平均十對夫妻中有五對會離婚，所以當地失婚婦人絕對多的是，不過有啲人到中年，又唔係咁好意思打正旗號出去溝仔，於是間中就約埋幾個失婚姊妹一齊喺中央公園偷閒，順便瞄佬，一旦發現獵物，就會將自己本錢盡露，務求令男人接收到佢哋嘅求偶訊號。
撰文：荒木