內地人依家富起來，尤其是上海、北京嘅有錢人更加鍾意炫富，唔少有錢佬都鍾意喺屋企開派對，為咗令氣氛更加興合合，少不免要搵幾個派對女郎上門贈興。小木老友最近去上海參加一個友人派對，見識到好多派對女郎，造型夠晒多元化，又唱又跳，百般武藝令派對氣氛好高漲！
老友成日飛上海，佢話除咗鍾意食上海菜之外，更鍾意上海嘅玩樂氣氛，有一種老派舊上海嘅豪氣，當然佢有好多有錢朋友，帶佢去食貴價菜，梗係好玩喇！好似最近佢就話派對女郎最好玩，比起出去夜場玩更有私隱，又可以玩得更癲，而且呢班派對女郎都係有質素有訓練嘅囡囡，百般武藝集一身，跳舞唱歌，烹飪搞氣氛，樣樣都好到家，再加上身材樣貌都係頂班馬，難怪有錢佬開派對，都要搵幾個返嚟助興。老友話呢班派對女郎，其實好多都係平面模特兒出身，工作唔夠嘅時候，或者做極都唔紅，公司自然要幫佢哋搵出路，結果衍生咗呢批派對女郎。
老友話呢班囡囡之前都出開鏡，好多都有演藝細胞，所以跳舞唱歌難佢哋唔倒，身材就更加唔使講，試問內地有邊個嫩模唔係大波妹，所以奇峰突出加上不同造型，配合又跳又唱，好容易就將派對氣氛搞起，難怪一晚收費八千人仔，都係其門如市。
現場賓客酒過三巡之後，好多開始唔守規矩，同呢班派對女郎打成一片，不過唔係每個囡囡都肯進一步發展嘅！畀人抽水，攬攬錫錫就在所難免，佢哋都未至於咁保守，所以老友都唔蝕底，盡情同囡囡大跳辣身舞，又摸又錫，好似去咗私人大舞廳一樣，令佢樂而忘返。
撰文：荒木