內地乳模呂婉柔嘅師妹、有「翻版徐子珊」之稱嘅洪紫婷，今年只得23歲，藉着參加全國平面模特兒新秀賽而為人注視。佢出生於廈門，喺鄉里眼中，直情係廈門之花，係光宗耀祖嘅上天傑作，好受同鄉歡迎。所以佢都好坦白，目前雖然未有固定男友，但已經有十個追求者對她發動攻勢，再加上事業愈來愈好，無論私事及公事都十分忙碌，令佢透不過氣。佢仲話自己嘅擇偶要求其實好簡單，只要對佢好，身材高大威猛，當然比佢高喇！仲有一定唔可以花心，就已經合格喇！不過佢同時又話自己好鍾意去旅行，如果男友係飛機師，就最完美喇！睇嚟花心嘅唔係男人，而係佢自己先啱。不過以佢咁出眾嘅條件，人氣又愈來愈高，當然可以花心喇！