最近韓式美容喺內地十分流行，特別係啲整形醫院，佢哋十分強調韓式整形技術，無論係隆鼻、隆顴、隆胸定隆下巴，都話用韓式技術最好。最近有個老相好又話去學人整個韓式隆下巴，事後仲問我整得好唔好睇，下巴真係尖咗，但就睇唔出同其他技術有乜分別，而且整完同以前個樣都相差無幾，又唔會即刻變咗做韓妹。老相好話家陣好多夜場囡囡都捨得去整容，而且全部都係用呢種技術，佢話有幾巴閉真係唔清楚，但價錢就係最貴嘅一種，以做隆下巴嚟計，韓式價錢高出一倍以上。記得以前嘅整形技術，以法式最貴，之後就係美式，後嚟日本風吹到，就時興日式，而近年流行韓風，連整形都以此為賣點，但實際效果係點真係冇乜人知，所以千祈咪人云亦云，嘥啲咁嘅錢呀！