大家睇日本影視作品，就算唔計AV片，都經常見到女生喺火車上畀人鹹豬手，呢啲犯法嘅行為當然要禁絕，於是有風俗店就增設呢項鹹豬手服務，等客人喺店內過足手癮。
如果你話明有呢種服務，又會引起衞道之士反對，話風俗店助長歪風，於是風俗店腦筋急轉彎，將個名改為「治療」服務，即係如果你有鋪鹹豬手嘅癮，就可以搵佢哋幫手，美其名接受治療，實際就係讓客人一嘗手足之欲，據講呢啲風俗店自推出呢種服務之後，不知幾咁受歡迎，就搵嚟店長長谷川先生講解吓：「客人入到去一間好似車廂嘅貴賓房，囡囡就會按客人要求扮成學生妹、空姐、護士、女僕等唔同嘅造型，然後入去車廂扮搭客。」
店長繼續話：「客人埋去就可以上下其手，囡囡要扮到欲拒還迎，呢吓真係好考功夫，但佢哋訓練有素絕對冇問題，之後客人可以翻開囡囡嘅衣服，然後……」咁叫做治療咩？長谷川解釋：「當客人最過分嘅時候囡囡會叫救命，只要大聲呼叫，房內嘅警報系統就會響起，除咗有警車聲之外，仲有男聲大數鹹豬手嘅罪行，等客人知道手多多嘅後果，之後客人要向囡囡賠罪，囡囡就要客人好好服侍佢，將功補過。」
撰文：小德