久唔久一啲外國電視頻道都會播犯罪特輯，入面有好多警匪追逐片段公開，仲刺激過電影情節。不過，刺激歸刺激，娛樂性就仲未及最近美國俄亥俄州發生嘅一段醉娃飛車事件喇！因為呢位醉娃除咗絲襪同運動鞋之外，身上完全冇任何衣物。事件發生於上月，呢位醉酒裸女驅車以時速206公里於公路上飛馳，繼而被警車追捕，而裸女被拘捕嘅片段則被警車上嘅攝影機全程拍低，仲放咗上網添。呢段片既刺激又夠香艷，仲睇到裸女膽識過人，大家以裸女嘅名字「Erin B. Holdsworth」上網搜尋一下，就可以睇到現場實況喇。