雖然一個人嘅打扮唔代表佢嘅身份，亦唔代表其品格，但係所謂人靠衣裝，有一身合適嘅打扮不但可以惹人好感，若然好似內地嫩模嚴雯咁識打扮，更加可以凸顯個人美態，甚至致富添架。今年22歲嘅嚴雯，樣子唔算特別美艷動人，但係有化妝補救之餘，最厲害就係佢懂得透過服飾以及嬌柔嘅動作，散發出動人神采。而阿妹佢之所以咁精於打扮，其實係因為佢未做模特兒之前，讀過服裝設計，令佢可以緊貼潮流，仲可以自己設計服飾，難怪阿妹拍寫真嘅時候，一身衣衫可以襯得咁靚，時尚得嚟又帶健康性感啦。然而，嚴雯最近仲做埋店主，將自己設計嘅服裝放上網賣，有佢做最佳示範，產品相信大有市場喇。