之不過搞手於展覽期間就從來冇對客人有任何暗示，當正係展覽咁搞，至於展覽場內嘅模特兒，實情咪係夜場女囉！當客人睇到慶起，就自己入去攬女。
有參展商就表示，喺夜總會內搞展覽其實仲好，事關夜總會有不少熟客都係生意人，傾成生意機會比喺真正展覽場高出多倍。「內地人做生意離不開摸杯底，啲女行完騷，順便入K房介紹吓，咁就做成單生意！」而夜場經理就解釋：「搞啲無關痛癢嘅展覽仲好過搞埋啲乜乜囡囡之夜，甚至可以食兩家茶禮，收參展商租場費同時客人又自動入場消費，仲爽過做散客啦！」
特攻語錄：展覽何其多，夜場都搞個，囡囡索到傻，睇啱畀你呵。
撰文：馳力王