據講內地有無良髮廊專吼單身無知男，等佢哋上房交易時將整個過程拍下，之後老屈，聽聞已有過百人中招！
各位一定會覺得係啲受害男死蠢，你可以咁諗，但係色字頭上一把刀，今日未中招，下個隨時係你。有玩家爆料指髮廊專揀一啲生面口、又怕醜嘅玩家埋手，當佢哋揀好女上房時，查實架步內攝錄機早已開啟，將玩家尊容收錄其中，當完事後離開髮廊，不遠就有人會攞住手機，將剛才「傑作」畀你欣賞。一位受害者自爆：「當時砌完女落樓，正行到出大街時，就有個男人對我揮手，行埋嚟話有嘢畀我睇，起初我以為係電子黨保藥黨之類冇理會，但佢隔住兩個身位舉起手機，播放內容係一段男女床戰，細心睇男主角原來係我，嚇到我即刻拉佢埋一邊問個究竟！」
最後玩家以五百元人仔贖回「傑作」，好彩事後短片冇喺網上流出，但好明顯呢個係髮廊設嘅局，佢哋深知受害者唔會將醜事公開，所以更放肆屈客。更有爸打大爆架步防不勝防，事關有心屈客，房內事必針孔鏡頭滿布，有啲仲係隔住窗偷拍，唔想成為四仔男角，都係去大骨場穩陣啲囉！
特攻語錄：色字頭上一把刀，髮廊屈客渣都冇，四仔男角你至好，唔想中招咪亂到。
撰文：馳力王