日本人好興「相睇派對」，特別係白領靚女，一放工之後嘅活動，十居其九都係話去相睇，而最近佢哋更興返屋企搞派對，一來唔使去名店消費，二來如果情投意合，仲可以即時作愛的奉獻添。
話說家陣日本有好多交友網，都有群組組織相睇派對，但家陣唔使去高級食肆見面，而係去對象嘅屋企見面，有人會話第一次就去人屋企，咁咪好蝕底，其實好多相睇派對，都係預咗你蝕底，但萬一出事，走甩和尚走唔甩間廟，點都有得追查吓，二來對象嘅居住地址同埋家居擺設，唔多唔少都會預告佢嘅性格同家底，於是好多囡囡都會參加。而每次活動一定搵相同數目嘅男女出席，免得有人掃興！
約好時間地點各人就會準時出現，好多都係第一次見面，但亦有人會帶埋朋友嚟，首先梗係齊齊飲飲食食啦！當飲飽食醉後就可以玩啲出位遊戲，等男女可以初步接觸吓，當熱身後就玩啲更激嘅遊戲，輸嘅就要剝衫或者吻異性嘅重要部位，最後揀啱對象就可以搵個地方曳曳，如果大家都夠開放，仲可以搞個狂亂派對添。至於收費方面，女士好多都唔使錢，而男仔就只要夾份飲食嘅開支就可以，又食又玩仲包埋房租，你話去邊度搵呢？
撰文：小德