內地十間桑拿場有九間都設有主任級囡囡，起初以為佢哋只係掛個名做主任，主力都係服侍客人，但慢慢發覺夜場真係放手畀好多行政工作佢哋做，囡囡做主任，但就冇主任嘅工資，係咪搵笨呢？
據知情人士陳仔（化名）透露：「喺內地做一個骨場主任，最少都有一兩千蚊嘅人工，之後再按營業額分取提成，如果間骨場生意好嘅話，月入都有六七千蚊，但家陣搵啲囡囡做主任，佢哋好多都冇底薪，只賺到提成嗰一截，雖然有時比起底薪多好多，但冇咗份底薪，始終輸蝕啲，但就要做足主任嘅工作，要照顧晒客人嘅一切大小事務，有時仲要連媽咪，即係照顧囡囡嗰瓣嘅工作都要做埋，真係可以話日理萬機，唯一嘅好處，就係當自己落場嗰陣，可以攞到最大嘅拆帳額。」
原來最本事嘅囡囡，同夜場拆帳，頂多都係天一半地一半，但主任級囡囡，除咗開出全場最高昂嘅肉金之外，仲可以拆到最大嗰部分，陳仔話：「有啲場會六四分，亦有啲場如果主任囡囡幫到手嘅，更會開到七三。」假如主任級囡囡嘅肉金係八百蚊嘅話，佢哋七三分，每次就可以拆到五百六蚊，一日做一個，一個月就有萬六蚊嘅收入，再加埋提成，呢啲囡囡一個月最少可以賺兩三萬，難怪做咁多嘢都做落去啦，原來收入真係十分吸引，所以都唔算得好搵笨。
撰文：小德