有老友報料，話啱啱喺某大正骨場裏面，同技師成功偷食，感覺不知幾正，佢話最大嘅滿足感，就係呢間場嚴禁技師同客人亂嚟，今次成功，佢話滿足感一百分。但聽真啲佢嘅故事，原來得啖笑！話說呢個老友係嗰度嘅熟客，但就硬係冇機會喺度開餐，於是為咗啖氣，三個月前就開始力追場內某技師，有次嗰個技師畀佢搞到慾火攻心，但都唔敢偷食，因為一旦被公司發現，所有保證金同呢個月嘅糧都會扣晒，所以點都唔肯越軌，但技師知道老友嘅心願，於是教老友等佢放假，再以客人身份入去幫襯，只要開間夫妻房，當按摩完之後，房間可以畀客人休息二三十分鐘，好多情侶都喺呢個時候乘機爆房。老友終於得償所願，但搞咁多嘢，又何苦呢？