好多囡囡真係把口唔收，我指嘅唔係講嘢，而係食嘢！見過好多囡囡就算返緊工都係食極唔停，真係唔知他朝冇晒啲零食，佢哋會唔會求其搵啲嘢嚟咬呢？而喺日本嘅AV拍攝現場，女優除咗飯餐外，最常見嘅又會食啲乜嘢呢？
最近日本某大成人網站做咗個好有趣嘅調查，睇吓女優們最愛喺片場食乜嘢！原來第五位係糖果，特別係朱古力之類，有啲囡囡話拍戲時要花唔少氣力，所以一定要食啲糖嚟補充體力喎；至於第四位就係薯片、蝦條之類嘅熱氣零食，囡囡話呢啲小食除咗好味之外，由於有聲音發出，佢哋會覺得好有存在感覺。咁高深嘅，九成都係未出位嘅姐仔啦！至於第三位就係餅乾類食品，囡囡話有時飯盒食唔飽，餅乾絕對係最佳嘅臨時頂肚食品。
至於第二位就真係估佢唔到，竟然係藥丸，女優話佢哋周不時都會食藥，有啲係減肥藥，有啲就係豐胸藥，仲有唔少係營養食品，佢哋話埋位前，通常都會食幾粒打底，有時大戰過後想回氣，亦都會食幾粒，仲話唔食會周身唔舒服添。
至於第一位就係水果，最多囡囡食嘅係香蕉，一來可以增加血糖，二來可以飽肚，比起食糖果同薯條，不知健康幾多。而且有啲囡囡仲話可以唔使請人食，只帶一兩個水果到現場，自己一個人食晒，唔使同人哋分甘同味，咁孤寒都有嘅！
撰文：小德