所謂女為悅己者容，好多女仔為咗令自己個胸體積增加，而毅然進行隆胸手術，其用心之良苦認真令人敬佩。不過，最近英國政府唔知係咪因為急住搵錢，居然要向一班意欲隆胸嘅女士們個荷包打主意。據消息指出，英國政府計劃徵收整容稅，一類「面部改善工程」、「胸部加建工程」等俱要徵收百分之二十作為稅款。雖然對於想整容嘅女士係壞消息，但係加稅之後預計會少咗人整容，一向崇尚自然美嘅男士遇到假波囡囡嘅機會就愈來愈少喇。