好多人都以為日本嘅AV片係冇劇本，其實係有嘅！而呢啲劇本大多數都係喺拍攝當日派發，女優就要把握時間好好熟讀，而佢哋除咗坐喺度睇之外，原來仲有好多姿勢，而最近就有成人雜誌，將女優睇劇本時嘅姿態作出分析添！
佢哋歸納出四種姿勢，第一種就係坐定定攞住份劇本嚟睇，佢哋大多數都係啱啱入行嘅女優，冇乜嘢江湖地位，所以對劇本十分重視，為免影響拍攝進度，佢哋會坐定定，揸實個劇本嚟熟讀，由於太過緊張，有時仲會揸到份劇本好似棵菜咁樣。
第二款就係搵張枱放份劇本喺上面睇，呢啲女優入行都有一段日子，正處於搏殺階段，所以十分認真咁睇劇本，而且仲會修改一啲對白，或者寫上一啲自己要留意嘅事項，萬一發現劇本有問題更會提出修改，由於有少少地位，劇組大多數都會照辦！
第三款就係企喺度睇劇本，佢哋都係有經驗嘅女優，由於企喺度，所以一定唔會睇好耐，大多數都係臨埋位時攞上手係咁意睇兩眼，之後就憑大綱自由發揮，由於佢哋有一定經驗，所以睇劇本嘅時間極短，好多阿姐級女優都係咁樣做！
第四款就係好隨意咁睇，佢哋大多數都有啲經驗，但又未到阿姐級，一望就可以埋位，佢哋要用較長嘅時間嚟睇劇本，但又冇第二款咁進取，會做筆記或者修改對白，所以只係純屬齋睇，好多時更係一邊睇一邊玩，呢啲囡囡咁唔認真，想紅都幾難！
撰文：小德