慾蒲團：啤酒狂歡節 興起咬胸熱

歡樂啤一啤

辛苦工作過後，返到屋企，或去到酒吧，坐低再一口氣飲晒大半杯冰凍啤酒，仲等啖氣「嗝」番出嚟，令一身疲勞盡消，真係諗起都過癮呀！而十月正係德國傳統嘅啤酒節舉行之期，大家可以參加呢種啤酒節活動，一大班人齊齊舉杯暢飲。不過，愛啤酒嘅不獨係德國人，美國人一樣愛到發狂。就以聖迭戈為例，每逢秋季各處都有以啤酒為主題嘅狂歡派對，甚至有團體會大搞啤酒奧林匹克運動會，以各種方式競飲啤酒添。另外，亦有團體大搞啤酒狂歡節，而目的都係一樣，狂飲啤酒享樂。

興到剝衫

愛啤酒之人多不勝數，所以啤酒狂歡節一舉行就唔怕冇人參加，鑑於參加者眾，活動大多數會喺度假營舉行，一來地方夠大，二來有康樂設施，三來有床鋪，唔係畀男女酒後亂性之後使用，而係畀不勝酒力嘅朋友有地方瞓一瞓，抖一抖氣。狂歡節場內表演眾多，不過則較為充滿鄉土氣息，例如係舞蹈同歌手演唱，所以一般嚟講都冇乜睇頭。之但係，坐多一陣，自會發現場內春色滿布，原因係好多男女兩杯落肚，自然變得豪放，加上酒精催動血液加速流動，體溫持續上升之下，往往會剝去上衣，露出內衣抖涼，有時更有豪放女露兩點娛賓添。

口咬青檸

頭先都提及過，節日內嘅表演環節其實冇乜吸引力，咁點解仲有咁多人參與呢？原因好簡單，正係因為有好多遊戲可以玩。活動內提供大量同啤酒有關嘅遊戲，最常見嘅莫過於競飲，亦有啤酒乒乓波，玩法就係雙方嘅波枱上面各放兩隻膠杯，能夠將乒乓波打入對方兩杯當中就算贏，呢個遊戲於正常狀態下玩已經唔容易，更何況係飲大兩杯呢！另外，唔少人飲墨西哥啤酒都會加入青檸汁，所以近期狂歡節就加入咬青檸遊戲，玩家嘅女拍檔將一片青檸放入雙峰之中，再由玩家用口咬出呢片青檸，最快咬出者為之贏。呢個遊戲非常考驗玩家嘅口技，同時亦需要女拍檔雙峰大小適中，因為太細固然夾唔住片青檸冇得玩啦！若然太大，片青檸分分鐘愈夾愈實，更加難以取出。

撰文：賢