見到索女，我哋除咗會睇到目瞪口呆，仲會大讚其父母血統優良，至繁衍出咁誘人嘅一代。不過，索女天生麗質嘅同時都需要後天改進，好似日本水着女郎手島優同內地索女李宛儀咁，擁有一副好身材俱是因努力運動而來。
兩位索女俱擁有一副健美又激凸嘅身材，好明顯係本身運動量夠，所以至有咁Fit。而手島優作為一個水着女優，其實未必需要識游水，但係佢三歲已經去游泳學校學習泳術，習泳年資達十二年之久，更曾經係少年奧運會游泳比賽嘅候補參賽者添。至於內地嫩模李宛儀表示自己最鍾意游水，可以話由細游到大，而除此之外，亦鍾意打高爾夫球。不過，口講無憑，所以論到運動量，我判手島優勝。
嘅然兩位索女都自稱係運動健將，第二回合就鬥一鬥二人嘅氣質，因為運動嘅主要目的除咗係練靚副偈，仲可以令人散發陽光氣息，予人陽光感覺。呢一點，我就認為李宛儀稍勝一籌喇。因為宛儀臉上成日都發放出甜美笑容之外，身上嘅膚色健康又光滑，肉地仲相當結實。相反，手島優嘅表情成日都冷冷咁，而且膚色一片慘白，同陽光一詞完全拉唔上關係。
做得運動多，除咗可以減肥令身材線條優美，仲可以增加身體靈活度，擺個Pose都零舍誘人夾醒神。宛儀三圍有34-24-35，條腰特幼，而上下圍又夠大，睇落已經充滿線條美，再加上佢擅擺挺胸收腹兼頭部微微昂後嘅Pose，曲線美出晒嚟！至於手島優，佢條腰22吋，但個胸就有37吋，當中15吋嘅差距令佢單係企定定已經曲線玲瓏，而且佢亦承襲到日本寫真女郎嘅高難度動作，令身材曲線更能展現，令呢個回合只好打和。
出生日期：1987年8月14日
身 高：5呎6吋
三 圍：34、24、35
工作資歷：畢業於澳洲藍山管理學院，之後返回內地並且投身模特兒工作。由於宛儀於澳洲讀書嘅時候勤做運動，所以身材極佳，除咗身上嘅肉地結實之外，成個人都散發住健康又健美嘅氣息，因此令佢成為內地一個體育新聞網站嘅體育寶貝。又因為幫網站拍下一輯盡展姣好身段嘅誘人寫真，當中以高爾夫球為題材，所以阿妹亦被稱為高球寶貝。此外，宛儀除咗做嫩模，亦有做演員，拍過嘅電影包括《密室之不可告人》以及《分手達人》等等。
出生日期：1984年8月27日
身 高：5呎6吋
三 圍：37I、22、34
工作資歷：於2004年開始以水着女優身份出現於日本雜誌，憑住獨特嘅冷艷氣質，以及一對37I極級爆乳成功上位，除咗拍水着寫真之外，仲上過好多電視台嘅節目做嘉賓，及參演電視劇同電影，作品包括《黑暗•愛》以及《玫瑰御姐》等。上年六月，優妹就同兩位女優北條麻美以及MAO組成女子組合「爆乳美國人」，以組合形式演出。
撰文：賢