最近網絡流行一種「示內」照片，就係要囡囡掀起外衣，露出裏面嘅胸圍底褲嚟示人，本來呢啲相片十分普通，只要登入成人貼圖區就一定會見到，但日本有個朋友對此情有獨鍾，據講花了三年時間，收集咗兩千多張，最近更喺網上公諸於世。
呢位朋友手上最多嘅當然係AV女優嘅「示內」照片，佔全部收藏品嘅八成以上，剩低嘅兩成，更加唔講得笑，原來都係水着明星或者演員，只要佢哋拍過寫真，佢都會將女星嘅「示內」照片收藏起嚟。人哋女星出得寫真都預咗你哋收藏，但呢位仁兄偏喜歡收藏呢款照片，真係唔服佢都唔得，最重要係當你擁有幾百女星嘅同一款動作照片時，真係幾震撼吓，可惜要睇女星嘅照片要登入佢嘅網站做會員至得，而且不設海外戶口。
至於「示內」照片嘅起源，原來係同AV拍攝現場有關，話說囡囡一日會拍好多造型，一時學生妹，一時俏護士，而除咗制服外，仲要配埋全套內衣，大家都知拍攝時有所謂跳拍，即係拍學生妹拍咗一半，就因為種種原因跳拍護士造型，但當再換回學生造型時，好多時都會唔記得之前嘅內衣褲係乜嘢顏色，為免出錯，片中一個造型會出現兩款內衣，於是工作人員就會把每個造型嘅底面衫褲拍落嚟做記錄，咁就算跳拍幾多次，都唔怕搞亂，依家呢啲照片咁受歡迎，真係意料之外。
撰文：小德