小弟一直都相信職業無分貴賤，面對上級小弟固然必恭必敬，假如面對清潔工，小弟嘅態度亦一貫如此。不過，喺香港社會嚟講，尊重各階層人士仲係未夠外國，好似英國咁，就算係性工作者都唔會受到歧視，而且仲有人安排大學專門畀佢哋進修。倫敦就有一間性工作者公開大學，由退休或現任性工作者成立，佢哋為咗提升同業嘅技術水準以及安全而開辦課程，同時亦容許艷星、裸模等等同性有關嘅行業員工修讀添。