渡海濠情：PR講多過做 人客叫好!
特首最後一份施政報告，被市民指開空頭支票，講多過做！之不過澳門富城夜總會PR GiGi一樣口水多過茶，居然獲外界一致好評，莫非係同阿妹夠索有關？
撰文：祖 攝影：章
並非亂吹
話時話，入夜總會搵女，幾時都係講多過做，點解GiGi會零舍出位，咁多人客撐呢？莫非阿妹口才了得，天文地理鹹古乜都吹得？GiGi解釋：「呢個可能性好大，由我入行至今，啲客都話我吹水好掂，但我要聲明一點，所謂嘅吹水並非亂吹一通，我吹完真係會落實去做，唔同你哋，彩就攞晒，手尾就下家執！」無情情燒埋我哋嗰邊，莫非佢又影響到你？「直接影響就冇，但間接就走唔甩，須知道我哋夜總會客路素來都係中產階層娛樂地，奈何施政報告一啲都冇幫到中產手，換句話講班中產又係要靠自己，咁搞法邊會有心情過嚟玩至得㗎？」GiGi又講得幾啱聽喎，不如你過嚟香港參選，為大家謀福利吖！
落實執行
雖然澳門夜場有不少內地爸打，但PR GiGi話始終都係港客抵錫，事關我哋同聲同氣，吹水都過癮啲喎！佢解釋：「吹水始終都係廣東話好，講國語好鬼悶㗎！所以每次有港客搵我，我個人都精神啲，吹水功力都勁啲！」講咗咁多次吹水，查實阿妹同人客有乜好吹呢？斷估唔會講政治咁嚴肅啩？「都唔一定㗎，人客鍾意吹乜就吹乜，但以我經驗，吹有味嘢必定佔咗八成，內容輕則講吓邊種前奏男女都Like、邊種體位最易到達高潮，重則就會講吓玩3P經驗，男人一聽到呢啲嘢一定雙眼發光，講唔停口！」GiGi對鹹嘢咁吹得，但床上又係咪落實執行到先，咪有口話人冇口話自己好喎？
GiGi Profile：
年齡：21
三圍：34-22-33
身高：5呎4吋