無論係髮廊定係骨場，都會安排宿舍畀囡囡住宿，一來方便佢哋返工，二來亦易於管理，好似突然間嚟咗好多客人，唔使囡囡由屋企趕返嚟，經理喺宿舍叫佢哋落嚟開工就可以。但囡囡嘅宿舍，究竟係點樣嘅呢？
髮廊妹嘅宿舍十居其九就喺髮廊附近嘅民居裏面，囡囡瞓醒覺就可以落去開工，就算未瞓醒，佢哋都要落去瞓住嚟等客，而呢啲民居大多數都有兩間房，一間房裏面就瞓四五個囡囡，兩間房加埋，最多可以住到十幾人，但一般髮廊有十個八個囡囡返工都已經好唔錯，所以一間髮廊租一個單位就夠晒。佢哋會瞓上下格床，行李放床尾，貴重物品跟身或交雞頭看管，大廳、廚房同洗手間就共用，但冇人會清潔，所以一定會有異味，囡囡情願同客人過夜，除咗有覺好瞓外，仲可以沖個靚涼添。
至於骨場嘅宿舍，原來仲差過髮廊，事關佢哋人多，就算同樣係租民居，一間房可能要瞓十個八個人以上，上下格床會變為三格床，空間少咗好多，而大廳都要住埋人，希望一間屋瞓到廿零個人左右，可想而知環境有幾惡劣，而有啲骨場，佢哋會喺天台加建宿舍，呢啲宿舍仲差，兩張三格床就一間房，兩床之間只容一個人行走，其他設施共用，但有人負責清潔，好彩囡囡工作時間平均，例如三個人係早班，三個人係夜班，所以同時間只會有三個人瞓覺，所以都算唔錯，但有客人相邀過夜，多數亦會答應。
撰文：賢