最近有一個調查報告，話做文職嘅男性，喺退休後會較易患上前列腺疾病，有內地學者指出，出現咁嘅情況，原來係同男性小便後，即時坐回座位辦公有關，佢話男性尿道原本呈「S」形，當小便時，身體完全挺直，有助尿液完全排放，所以各位朋友，有時如果坐喺度或者踎喺度小便後，當一起身嘅時候，會有餘便流出，就係咁嘅原因。而專家又指出，文職人員小便後，大多數都會馬上回座位繼續工作，佢哋一坐低，尿道口就會收緊，餘便就會倒流返膀胱和前列腺嘅位置，久而久之，前列腺就容易受到病毒嘅感染，因而出現病變，所以專家建議男士小便後，唔好馬上返回座位工作，應該企吓或者周圍走走，時間大約五分鐘至十分鐘，咁樣至好坐低，咁做就可避免前列腺因長期受到感染而出現病變，而且餘便亦會排清，唔會倒流，咁就可保身體健康，日後免受前列腺疾病嘅苦惱。