有人話囡囡嘅嘴唇如果形大肉厚就會特別性感！今次搵嚟兩位公認嘅大口美人，分別係內地名模王丸丸同埋日本水着巨星辰巳奈都子嚟進行比試，睇吓兩人係咪咁靚至得。
王丸丸和辰巳奈都子嘅身材都唔算係十分火爆，好似丸丸咁，上圍就只有33吋，而奈都子更只得32吋，但好奇怪，佢哋拍出嚟嘅寫真照片，竟同樣可以做出玲瓏浮凸嘅效果，令唔少男粉絲睇到噴血，論實力可以話不相伯仲。但論整體身材，丸丸有165cm嘅身高，配埋36吋渾圓巨股，可以話弗到漏油，同只有158cm身高嘅奈都子比可謂稍勝一籌，所以第一回合鬥身材，屬內地名模王丸丸勝。
論才藝，兩個靚女都才華橫溢，好似丸丸咁，佢除咗做模特兒，仲係主持同埋演員，而且唱歌同跳舞都好掂吓，但奈都子更係十八般武藝樣樣皆精，單係做戲，佢接拍過嘅影視作品，可以「打」嚟計算，至於唱歌，佢更出過單曲唱片，至於做主持或者上節目，更係多不勝數，而舞台劇更係經常參與演出，所以第二回合鬥才藝，奈都子輕易勝出，丸丸要努力，急起直追啦！
第三回合鬥把口，即係鬥乜呀？就係有咁大個口，對佢哋搵錢有乜幫助！兩人由於個口又大又靚，所以同樣接拍過唔少化妝品廣告，令佢哋豬籠入水，而喺相學嚟講，嘴形夠大，講嘢就有牙力，所以兩位靚女，做節目主持人一定會深入民心，而兩人演出嘅機會，真係不相伯仲，所以亦令佢哋搵大錢之餘，仲人氣急升，所以一張大嘴對兩人嚟講只有百利而無一害，所以呢個回合，雙方都打成平手，和氣收場。
出生日期：1989年10月26日
三圍：33-25-36
身高：165cm
工作資歷：09年出道時只接平面攝影嘅工作，後嚟人氣漸高，就開始接廣告同做代言人，之後更上電視節目，做嘉賓主持或者嘉賓，由於外形吸引，而且口齒伶俐，深受節目製作單位嘅喜歡，成為人氣主持之一，遲啲仲會參演影視作品添。
出生日期：1988年8月21日
三圍：32-22-32
身高：158cm
工作資歷：05年出道，最先是水着女星，後嚟出過唱片，期間仲參與唔少影視作品嘅演出，但佢冇忘本，仲不時推出寫真集同寫真DVD，所以人氣一直高企，舊年更參與舞台劇演出，係水着界中多才多藝嘅人氣女優之一。
撰文：峰雲簫