報章嘅新聞版不時都會刊出有關露體狂當眾裸露身體嘅消息。據講呢類露體狂精神有問題，鍾意露體之餘，更鍾意見到他人被驚嚇嘅表情。不過，如果有露體狂想跳出香港，去到西班牙嚇人呢，就千祈唔好喇！唔係因為亞洲人嘅「長度」同外國人有差距，怕嚇唔到人，而係外國女仔絕對唔好惹。日前，一個露體狂出動，去到西班牙一處遊客區，一見到四名金髮女郎就剝光豬衝上前。之不過，佢萬料不到，眾金髮女郎驚都未驚過，反而使出上乘擒拿手將佢制服於地上，再轉交到警方手中，做露體狂做到咁，真係慘慘慘。
撰文：賢