大家睇過咁多成人藝術電影（即係三仔同四仔），都會發覺日本鹹片嘅拍攝手法愈來愈大膽，因為佢哋時不時都大玩野外露出，安排女優同男優於露天地方激戰。不過，其實佢哋仲未算夠激夠大膽，因為最近美國嘅鹹片脫星更加挑戰埋消防局。早前，美國洛杉磯嘅一間消防局外面，突然殺出一名脫星，呢位靚女一見到部消防車就興奮莫名，仲剝衫露兩點。之後，一位身穿消防員裝束嘅男優繼而出現，並且準備以消防車為背景進行四仔拍攝工作。幸而，佢哋行藏敗露，被當局人員發現，至急急撤退，否則呢架無辜嘅消防車，就會變成鹹片嘅配角喇。
小弟仲係處男嘅時候，已經知道性行為存在風險，一定要做足安全措施，衞生問題係其一，最擔心就係分分鐘搞大對方個肚，到時真係唔知點搵四百萬養仔，同難以估計嘅金錢去養老婆喇。諗諗吓，其實香港嘅性教育都算唔錯喇，至少好多年輕人都知道使用安全套係方便又有效嘅避孕方法。根據日前世界避孕日一個調查發現，三分之一受訪嘅埃及人居然相信事後沖涼可以避孕！不過，話分兩頭，睇完調查結果，相信埃及人鮮有用安全套，如果可以去到當地宣傳安全套嘅效用再行推銷，應該大有市場喎。
撰文：賢