識得一個朋友，佢係朝搵晚清嗰種，身上冇幾個錢，就算難得有錢，都用咗去搵囡囡。本來都冇乜問題，點知佢早排沉咗船，咁麻煩嘢就嚟喇。起初囡囡冇要求送貴嘢，冇話要着靚衫，但後嚟愈嚟愈多投訴，拎佢同姊妹條仔嚟比不特止，有次朋友送咗條百幾銀嘅銀鏈畀佢，佢居然一手掉咗兼喺度喊！喊乜？喊話佢估唔到男友，居然會送啲咁平嘅嘢畀佢，跟住仲要幾日唔聽電話，仲要搵佢唔到。好彩朋友冇諗歪，冇去借財仔買嘢，否則真係手尾長，反而佢問我哋點算好。仲有乜點算？梗係撇甩佢啦！經我哋成班人狂鏟後，朋友終於諗清楚，都算好彩啦！
特攻語錄：
冇銀咪沉船，冇面都唔算，煩惱氣又短，速撇係上算！
撰文：馳力王