雖然香港近年有好多嫩模出道，但係能夠成為一級名模則冇幾多個，因為唔少人都認為佢哋成日都只識露事業線，冇乜其他專長，所以一級名模嘅地位通常都由混血或外籍美女霸住。最近內地嫩模界亦有個鬼鬼哋嘅索模出現，佢就係杜奕霏喇。新疆女仔一向都被認為又索又白滑，而且仲有少少混血兒Feel，出生自新疆烏魯木齊嘅杜奕霏亦予人同樣感覺。除咗個樣睇得，阿妹副偈更加係得得得！身高接近5呎10吋嘅霏霏夠晒高挑之外，亦相當豐滿，三圍有35-24-36，驕人嘅上圍令佢唔使刻意夾胸都可以大露事業線，加埋一雙長腿，真係索得交關。亦因為阿妹樣子同身材都咁掂，所以參加2010年亞洲品牌小姐北京總賽區成功打入十佳之列，並贏得最佳人氣獎。