秋冬時節正係進補時機，而呢個時間，正好亦係秋風起三蛇肥嘅日子。據講食蛇除咗有驅寒暖身功效，仲可以壯陽添。不過，有部分朋友對於蛇肉有所抗拒，但係唔使怕，因為根據外國最近一項有關食物嘅研究指出，發酵食物亦有催情同補益精力功效。呢項研究源於科學家發現果蠅食完發酵咗嘅生果之後，精力特別旺盛，兼且特別鍾意交配，因此初步認為發酵食物有催情功效。雖然研究仲未完成，但係以前亦有科學家講過朱古力同芝士有相似效用，呢兩種食物咪經過發酵而成囉！
撰文：祖