最近有老友話自己愛上蒙古嬌娃，我馳力王好努力咁諗，但最終都係認輸，因為自問未見識過蒙古嬌娃。而且心入面不期然諗起內地嘅A貨層出不窮，蒙古嬌娃隨時都係冒牌貨都唔定。不過老友就好唔服氣，話自己好肯定係真貨，事關佢哋纏綿之際，聞到囡囡身上散發出陣陣羊羶味，皮膚更係經過風沙嘅洗禮。我心諗，身體又羶皮膚又唔滑嘅囡囡，又有咩好呀！就算係真貨，咪即係搵自己笨。不過老友唔同意，佢話人一世物一世，咩嘢都要試吓，正所謂各處鄉村各處例，唔同地方嘅囡囡梗有唔同特色，做男人唔可以咁揀飲擇食。馳力王真係講佢唔過，佢鍾意點就點，不過若然以後有老友叫我去食蒙古菜的話，真係要諗真啲，事關平生不吃羊肉，最怕羶味，又唔鍾意囡囡皮膚差，無理由為咗貪新鮮，勉強自己亂咁起菜。