內地對專業陪月員需求殷切，但竟然有賣淫集團利用陪月員中介網站賣淫，有玩家表示老婆懷孕期間，攞正牌溝女不計其數，難怪網站愈做愈壯大，甚至推出陪月證書課程，吸引新女加入！
伴侶有喜，男人可以自己解決，甚或幫襯色情陪月員。當然囡囡唔會陪足客人一個月！相反係閣下有需要，色情陪月員就到酒店偷偷摸摸同顧客交易，而玩家亦非常享受呢種快感。
有指近年流行網上聘請「陪月員」，佢哋又稱「月嫂」，一般做法係產婦生產前四至五個月就會約見陪月員，若然雙方合適就可落訂，到嬰兒出生後就正式上班，而色情陪月員絕無任何生仔或陪月經驗，純粹懂答幾條簡單問題，事關佢哋嘅「老闆」只係男主人。有玩家解釋：「老婆懷孕後除上班外，夜晚想出外應酬都冇機會，想偷跳難過登天，為求攞正牌（目及）女，就透過中介陪月網站挑選合心水嘅囡囡，如果時間許可，其實可以直接落柯打到酒店交易。」玩家表示自從伴侶懷孕後，定期有上陪月中介網搵女，甚至公然喺伴侶旁邊搵女都冇有怕！
有指色情陪月中介網製作非常認真，為呃到女戶主信任，任何年齡「陪月員」都有提供，更有其他戶主同陪月員合照，成功轉介個案分享等等，的確呃到唔少女士，之不過每當致電相約安排陪月員上門見工，網站例必有藉口推搪。玩家解釋：「對方一聽就知你係咪用家，因為識窿路嘅就會約囡囡到酒店見面，絕不會安排到屋企見工，玩家就係趁短短一個小時同囡囡上房開戰，搞完就返歸同伴侶講陪月員唔掂，實情係食完一個又一個。呢招真係萬試萬靈。」
玩家表示以老婆「粗身大勢」為由，要求伴侶留在家中安胎，自己就出去搵食，賣淫集團窺準男人要替伴侶搵陪月責任，開設中介網賣淫，可謂一拍即合，同時網站更推出「專業陪月員證書課程」，務求搵到更多囡囡加入。
撰文：祖