近年日本經濟不景氣，國民消費力大不如前，買乜嘢都要諗過度過，據講有啲風俗孃連買高級化妝品嘅錢都冇，只能用平價嘢嚟頂檔，但平價嘢遇水即溶，於是有風俗店忽發奇想，諗到「客前卸妝，素顏示人」嘅服務，竟殺出咗一條財路。
話說喺橫濱有間出張風俗店，由於生意麻麻，囡囡收入微薄，連高級化妝品都買唔起，於是只能買啲平嘢嚟用，但一同客人沖涼，個妝就會溶化，搞到囡囡十分尷尬。店長得知後覺得冇問題，而且當中仲有極大嘅商機，事關畀佢諗到一招客前卸妝。
即係囡囡去到酒店房，就喺客人面前落妝，回復真面目，以素顏示人，據講呢一招推出之後，十分受當地顧客嘅歡迎，事關近年囡囡興化濃妝，囡囡嘅樣真係好難分真假，好多天生醜八怪嘅囡囡，經化一層又一層嘅厚妝後，真係可以輕易呃到人。
當客人同囡囡親密接觸時，就會發現貨不對辦，但呢個時候已經勢成騎虎，惟有焗住上，但呢種受欺騙嘅感覺，就會十分難受。家陣囡囡落晒妝以真面目示人，就唔怕會難分真假，而且囡囡真面目示人更顯囡囡清純嘅一面，客人話好有女友嘅感覺，因為女友係唔會化晒妝同你上床。此外，能夠落得妝都見得人嘅囡囡質素就要有番咁上下，囡囡高質自然又可乘機加價，加上囡囡可以慳唔少，一來貴價化妝品唔使買，二來開工亦只需普通畫兩筆，三來離開時唔使補妝，單係呢筆就慳唔少。
撰文：小德