小弟乃係一個電影迷，成日都會翻睇舊戲。最近我又重溫經典賀歲喜劇《家有囍事》。最令我留意嘅，當然就係星爺嘅演出。佢嘅一招巴黎鐵塔反轉再反轉固然技驚四座，但係亦令我意識到，原來接吻可以有咁大威力，而最近我又睇咗一份報告，確實地指出接吻的確可以令女士冧到震。報告指出，我哋嘅手指含有嘅感覺神經已經好多，但係兩片嘴唇嘅感覺神經正係手指嘅一百倍！所以接吻而來嘅快感一定畀愛撫為多，同一時間接吻可以令女方嘅大腦，加速分泌出一種叫做催產素嘅賀爾蒙，可以大大減低女方嘅緊張情緒，容易墮入愛河，各位男士下次同女伴行埋嘅時候，不妨錫耐少少喇！