今日糜博：底褲解暑大法

快到中秋，但係天氣依然炎熱，各位要戶外工作嘅朋友定要小心中暑呀！坊間嘅解暑方法有好多，例如飲冬瓜水或者涼茶，而日本人就發明咗一個嶄新，但係唔係咁多人會用嘅解暑方法。方法為何？咪就係用一條冰鎮底褲抹吓塊面囉！上年已經由日本秋葉原一間成人百貨公司推出市面嘅「冰鎮條紋底」，專為宅男們解暑。將條紋底濕少少水，放入膠杯再冰藏然後出售，推出嘅時候除咗當地人為之驚訝，連內地及台灣民眾都嚇一跳。相隔一年之後，該百貨公司為慶祝成立十周年，將冰鎮條紋底褲再度推出，如果大家去開秋葉原，不妨幫襯吓呢個特別解暑方法啦。