夜遊人：成人博覽新奇產品夠撐
香港同澳門雖然如同兄弟，但係呢兩兄弟嘅發展就截然不同，我唔係話澳門專注賭業，而香港就專注於金融同地產，而係指性文化嘅發展咋！因為香港人好似接受唔到成人娛樂文化，反而澳門人則大為開放，喺剛過去嘅「亞洲成人博覽」就已經辦到第四屆，除咗有日本知名女優同西洋艷舞團撐場，亦有大量新奇情趣玩具介紹，於香港就絕對見唔到呢個咁勁嘅博覽喇。
八方雲集
唔經唔覺澳門亞洲成人博覽（AAE）今年已經係第四屆喇，而一連三日嘅展期已經結束，小弟有幸親身去到一睹呢項盛事。當日，小弟同攝影師浩浩蕩蕩直入會場，驚喜嘅係一入場就見到四位身穿藍色制服嘅女仔向我哋大派安全套，又幫我荷包慳一筆喇！之後，我哋再巡迴會場各處，見到好多來自美國、中國、日本、香港等地區生產嘅新產品，此產品亦當然係用嚟增加閨房之樂嘅情趣用品啦。而當中除咗有一系列聲稱由真人倒模製造嘅日本AV女優假陰道、震蛋、震棒，小弟印象最深就係來自內地嘅仿真娃娃喇！其實呢類膠製娃娃喺日本同美國早已經有，不過，內地出品就近期至出現，小弟親手摸過之後，發現娃娃嘅「肉地」甚為彈手，質素又真係有幾分似真人！有質素之外，日本同美國嘅出品通常都賣到成萬蚊美元一個，但係內地產品一向廉價（約數千人仔），所以此仿真娃娃亦當然平到笑啦。
索女踩場
另一樣令我驚喜嘅產品，就係來自日本嘅潤滑劑組合喇！呢款來自日本AV名廠S1嘅潤滑劑本身已經係質素保證，不過佢仲有一個貼身拍檔，就係專用嚟注入女性陰道嘅注射棒嘞！有咗佢幫手，女性要令小妹妹又濕又滑，增加抽送快感就方便得多啦！
除咗產品多元化又新鮮，AAE仲有好多表演，例如有早已蜚聲國際嘅Pricasso表演如何用小弟弟繪畫，亦有全新澳洲猛男索女組合Badboys & Bombshells表演火辣艷舞，亦有日本潮吹女王紅音螢表演制服誘惑，同時於場內宣揚預防愛滋病訊息。不過，最為大家屏息以待嘅表演，就當然係日本AV女優組合BRW108嘅勁歌熱舞表演啦。雖然佢哋只派出四名代表，包括周防雪子、月野莉莎、二宮沙樹以及大橋未久，但係佢哋青春、活潑、可愛、嬌俏嘅笑容同歌舞令人為之着迷，希望佢哋下年可以再次支持呢項盛事就好喇！
撰文：賢 攝影：阿生