地獄廚神Gordan Ramsay上電視爆粗起晒朵，有指佢老哥手下因開工爆粗而被停職，不過佢都唔算陰功，事關喺四仔界有脫星Georgia Jones就因為床上爆粗爆到被雪藏，但問題係男女脫星喺床上，唔講粗口應該講乜好呢？
細佬睇四仔唔算少，從未睇過一部唔講粗口嘅四仔，即使脫星再唔想爆粗，但一講到要入閘，自然又係要爆粗。即是話，想喺四仔冇粗言穢語，除非背景播音樂啦！的確呢種音樂四仔曾經存在過，但就因為要播音樂，連脫星呻吟聲都Cut埋，所以呢類四仔好快就玩完。至於學似Georgia Jones咁因為爆粗而被雪藏，都可算係四仔第一人，有指約半年前阿妹喺一部性虐片以及一部群交片喪爆粗，因而得罪監製事後被停工，連帶佢有份飾演嗰段四仔都要抽起唔出街，當事人除感到無奈更覺得被針對，Georgia Jones話：「四仔爆粗等同呻吟，假如要脫星床上冇粗口，不如直接叫佢哋唔出聲好過！矛盾係一方面要爆粗挑起觀眾情緒，另一方面又唔容許講得太多，相信即使前輩級脫星都做唔到！」
Georgia Jones講得有理，既要脫星爆粗，又唔容許太粗，倒不如為四仔寫定對白就冇煩惱啦！好可惜四仔雖然有劇本，但從來對白都係男女脫星爆肚，假如雙方照稿讀，呢部四仔免費都冇人願意睇！但有傳呢鑊被雪藏同針對無關，純粹係阿妹過分爆粗，兼且爆粗時過分認真，令人覺得佢有心玩嘢！爆料人指Georgia Jones講粗口時形態猶如同對方嗌交，觀眾感覺唔挑逗不特止，反而想拉阿妹揼一鑊多啲，所以公司將佢四仔抽起再雪藏實情係為阿妹好，希望佢冷靜一下同時學習粗口挑逗。
但睇怕想Georgia Jones改都好難，皆因由被雪一日開始，阿妹已透過個人網站喪爆粗話被針對，一直鬧到今日都未收聲，睇怕唔踢佢出脫星界都幾難收服佢囉！
片名：Lesbian Sex Cult
片長：129分鐘
片廠：Sweetheart Video
脫星：Georgia Jones、Tanner Mayes、Misty Rain、Heather Silk
內容：雖然話阿妹喪爆粗好難頂，好在佢都拍落唔少女同作品，戲內講粗口機會極微，大家睇得舒服，好似呢部由佢擔正嘅女同片，戲內阿妹全程飾演男優角色，要喺床上同時招呼多位姊妹，莫講話粗口，連出口都分身乏術！
出生日期：1988年4月4日
三 圍：32C、21、34
身 高：5呎7吋
撰文：祖