近期有關航空公司嘅新聞唔少，小弟唔係想再提疑似空姐淫照事件，而係想講吓袋鼠國一間Q字頭航空公司，早前居然有新搞作，直接少少嚟講，仲係挑戰道德尺度嘅舉動。較早之前，有乘客發現座位前嘅電視其中一個頻道，正在播放一段近乎淫猥嘅紀錄片，而片名就叫做《The Female Orgasm Explained》，中文直譯就叫做女性高潮解構。呢套長約48分鐘嘅法文影片，當中包含大量裸體鏡頭、接吻以及四仔片段，雖然唔係明刀明槍男女「互動」，但係女角嘅高潮表現卻係惹人遐想，成年男乘客一定睇得好開心。不過，呢段片任何年齡嘅乘客都睇到，如果同小朋友一齊坐就唔多盞喇。