萊利係一個釣魚發燒友，今日又坐住自家帆船出海垂釣喇。正當萊利享受釣魚之樂以及寧靜嘅環境之際，突然聽到一陣嘈雜聲從背後傳來，而嘈雜聲夾雜住搖滾樂以及男女喧嘩之聲。萊利轉頭一望就發現，原來有人揸住滿載男男女女嘅遊艇過嚟。萊利心諗：「佢哋咁嘈，希望唔好嚇走晒啲魚啦。」一陣間之後，萊利聽到遊艇傳來一把女仔聲慘叫話：「唔好呀！唔好呀！」萊利就見到一個女仔畀班男仔扯甩咗比堅尼上衣，然後再拋咗佢落海。雖然女仔識游水冇浸親，但係遊艇上其中一個男仔就同佢講：「摸吓都唔得！你估你有寶咩？我架艇唔歡迎你呀！你自己游返去啦！」見佢咁慘，萊利就揸船過去接佢，然後離開。