渡海濠情：拍散拖搵援交哥
近期坊間熱門嘅話題，當然係談論後生哥做援交男啦！好似喺澳門9號會所，就有大班囡囡談起呢件事，佢哋九成九都唔贊成有援交男嘅出現，只有靚女小燕就獨排眾議，覺得有援交男存在，不失為一件好事！
撰文：小德 攝影：阿章
存心開房
小燕話：「我哋因為工作關係，所以經常冇男朋友喺身邊，有時悶悶哋，特別係過時過節，真係好想搵個男仔嚟陪吓自己。以前就要打電話求呢個求嗰個，搵到啲臨時男朋友出嚟，咪以為就會開心，因為你只想搵人陪吓，但佢哋醉翁之意，有時一見面就話要去開房，開完房就拍吓屁股，雞咁腳走人，最後又係孤孤單單一個，就算有男仔唔係存心開房，但咁樣仲大鑊，因為佢一定會以為我鍾意咗佢，所以借啲意約佢出嚟見面，總之就麻煩多多。」咁又係噃！換轉係我都會咁諗啦！
價錢便宜
但如果有援交男，小燕話就會簡單啲：「只要心理上有需要，就可以約佢哋出嚟見面，要佢陪我行街又得，陪我傾心事又得，唔使一定要去開房，完全可以控制喺自己手中，而且最重要係援交男價錢唔貴，唔似搵舞男出次街都幾千。」睇嚟小燕真係十分之熟悉行情，唔知佢有生理需要時，又會唔會搵佢哋幫手呢？小燕諗咗一諗：「我對年輕人都係冇乜興趣，講到搵對手，梗係成熟型男士好啲，佢哋經驗豐富，一定可以令我欲仙欲死！」咁又係，阿妹你真識享受！
P;小燕Profile
年齡：21歲
三圍：34-23-34
興趣：拍散拖