網上購物讓大家足不出戶就可以選購到心儀物品，而且網上商戶唔使交昂貴嘅舖租，能夠將貨品定價降低，所以成為好多人嘅餘暇活動。網上拍賣亦係其中嘅分支，而最近日本超人氣女子組合AKB48嘅成員大島優子，更將自己着過嘅內衣褲，放上網任Bid添！其實網拍原味內衣褲已經有好多AV女優咁做，大島優子都只係跟風咋！
據消息指出，大島優子呢套烈味內衣褲放上網之後，惹起頗為熱烈嘅競投，最後以一萬六千五百日圓（約1,650港元）成交。就一套平凡嘅內衣褲嚟講要成千幾蚊係幾貴，但係上面留有偶像嘅氣味，對於Fans嚟講亦屬值得。事實上，正因為知道有狂迷樂意使錢去Bid自己嘅私人物品，所以唔只係日本女藝人，AV女優亦熱衷於將各式物品放上網拍賣，不過當中就以女優用過着過嘅衣物最為大眾所喜愛，亦可以拍賣得高價錢，總之就係有味有價。為咗證明自己曾經着過該套衣物，AV女優仲會將自己着住該套衣物嘅相片放埋上網，有時會加多個親筆簽名，以證明童叟無欺添，做法認真周到。至於AV女優所拍賣嘅東西，大概可以分為以下三類：
最後現貨價位：22,000日圓（約2,200港元）
介紹：三點式水着近年來已經成為好多日本AV作品當中常見嘅服飾，由於佢夠性感，而且色彩鮮艷，畀女優着上身自然可以凸顯其驕人體態。較早前擁有超絕品身材嘅辣妹哀川玲，就將自己拍三仔時着過嘅白色三點式水着放上網畀人Bid，仲送埋親筆簽名添。而底價就由3,000日圓起錶，最後成功以22,000日圓賣出。
最後現貨價位：16,000日圓（約1,600港元）
介紹：見到胸圍同底褲必然令男人想入非非，而內衣褲如果有喱士花邊，分分鐘可以增添誘惑，如此奇妙之物當然被日本AV界大量使用，為女優嘅胴體添上誘惑感覺啦。最近爆乳涉谷女王Erika就將自己套紅色內衣褲拍賣，上面亦有親筆簽名，底價由3,000日圓開始，最終交易價為16,000日圓。
最後現貨價位：12,500日圓（約1,250港元）
介紹：除咗衣物類，近年AV女優亦好鍾意將隨身物品放上網畀人Bid，當中包括有鬧鐘、震蛋、震棒等等，但係最興嘅一樣就要數到牙刷喇。而擁有黃金比例身材嘅爆乳尤物松紫羅蘭，就將自己嘅隨身三寶：潤唇膏、鏡、牙刷一併推出，如果綑綁式公開拍賣，賣出價高達12,500日圓。
撰文：賢