日本嘅311地震雖已經相隔幾個月，但影響都幾深遠！當中我哋嘅終極AV女優原紗央莉，就係因為地震影響到佢無心工作，正要面臨引退呀！
撰文：賢
數到近年人氣最強嘅日本AV女優，除咗蒼井空同吉澤明步，就要數到小澤瑪莉亞喇。點解瑪莉亞咁受歡迎呢？除咗因為佢身材夠好，演出夠激夠淫，仲因為佢擁有一副混血兒美麗面孔。而繼佢之後，擁有四分之一德國血統嘅原紗央莉，更成為萬千亞洲AV迷嘅終極女神！今年23歲嘅央莉曾經以加藤麻衣以及七海麻衣嘅藝名，進身藝能界唱歌同拍寫真集，曾於電視劇如《特命系長 只野仁》同電影《深海獸零號》參與演出，之不過成績只屬一般。
然而，當央莉於2009年初宣告下海拍三仔嘅消息一出，就令日本AV界掀起一陣強烈哄動，原因除咗因為佢以藝能人身份轉拍三仔，亦因為央莉當時樣貌同身材都漸漸成熟，散發出濃郁嘅誘惑味。央莉個樣鬼鬼哋，固然標致過人，一對淺咖色嘅妖媚眼睛同樣極具攝人魅力。此外，阿妹身高5呎6吋，三圍35E-24-35，身材豐滿之餘又白滑鮮嫩，簡直就係上天賜畀我哋AV迷嘅無敵女神呀！
由於央莉實在太索，所以第一套AV作品《藝人 原紗央莉 奇蹟之AV初亮相》便締造超過十萬隻嘅極高銷量，據講此作品嘅分紅連同央莉簽約AV名廠SOD嘅酬金高達二億日圓，真係唔講得笑！而最值得一讚嘅係，央莉頭炮作品得到如此好成績之後，並冇恃寵生驕同放軟手腳，及後嘅AV演出仲愈來愈放，愈來愈淫，令作品出現我哋AV迷期待已久嘅戲味！
央莉表情多多又夠銷魂，一對勾魂淫眼、婀娜誘人嘅肢體動作，加埋鶯鶯聲線，作品真係滋味濃郁，出色到令人拍案叫絕，仲令央莉成功奪得2010年度SKYTV 成人頒獎典禮嘅最佳女優大賞添！此後，央莉人氣持續攀升，唔單只獲邀參演重頭深宵電視劇《孃王 Virgin》以及《孃王3》，仲得到我哋香港電視製作人嘅力捧，聯同周防雪子一齊過江拍《3D肉蒲團》添！
之不過，正當大家都以為央莉會好似蒼井空一樣，同時兼顧情色電影同三仔嘅時候，央莉就同所屬事務所解約，有消息指出佢係因為日本311地震事件而感到精神崩潰。起初小弟同好多AV迷都唔多信，但係最近SOD就發布央莉嘅畢業作品《藝能人 原紗央莉 卒業》，換言之就係話畀大家知，央莉已經唔會再為SOD拍三仔，至於阿妹到底係咪正式引退，定係製造藉口方便自己轉會他投呢？真係要等央莉自己出嚟講清楚至得喇！
年齡：23歲
身高：5呎6吋
三圍：35E-24-35