最近收到風話有大人物落嚟東莞微服私訪，經過多日嘅調查後，靜雞雞咁返咗上去，有消息話佢哋已經掌握當地，包括港人最常去嘅常平、長安、厚街、寮步、塘廈等性地嘅資料，特別係針對星級酒店內嘅色情服務，搞到人心惶惶。
據夜遊前輩分析，呢個時候落嚟攞定資料，可能會喺十˙一前夕就採取行動，而且相信會一如以往，行動會以省公安為主，等佢哋嚟突擊掃黃，由於冇得知會，到時一定腥風血雨，據骨場老總講佢哋出得嚟做就預咗要孭風險，所以唔驚得咁多！
反而星級酒店嘅老闆就有啲驚，因為你一間骨場投資千萬好未，但一間星級酒店，投資可能過億，萬一行動時，封場封埋酒店，咁佢哋真係血本無歸，但家陣勢成水火，骨場成主要收入，要停又停唔到，真係進退兩難，睇嚟佢哋有排冇覺好瞓咯！
撰文：大軍