好多人心目中嘅四仔女星，淨係識得瞓喺度，但其實佢哋仲有好多法寶，好似女星Sophie Moone就係最佳例子，事關佢未入行前係一名魔術女助手，學得一手好魔法，依家成日喺四仔內表演吓身手，獲得好多影迷愛戴，話佢係床上魔術師。
Sophie Moone當了魔術女助手兩年，佢話呢行見識多，但係搵錢唔多，所以決定轉行投身四仔界，呢行搵錢多但工種就比較枯燥，所以佢最鍾意搞搞新意思，尤其是喺床上大玩魔術，一來可以增加性趣，二來又可以帶多啲新鮮感畀觀眾，對佢有百利而無一害。佢話喺床上玩魔術，唔使好複雜，最緊要有性趣，好似將男優嘅底褲變走，將件自慰器變入男優後庭等等，都係志在搞氣氛，想觀眾睇得刺激又過癮，而佢又可以營造出特別嘅四仔女星形象。
「我自己其實都好鍾意玩魔術，不過呢行唔易闖出名堂，無名堂就搵唔到錢，依家我做四仔女星，收入比以前多兩倍，仲可以將魔術融入四仔，令我有好大嘅滿足感，又搵到錢，梗係心滿意足喇！」
Sophie話拍四仔有時真係幾悶嘅！日日都做愛，日日都要叫床扮投入，萬一遇上唔係咁夾嘅男優，就更加討厭，如果自己唔識得搞吓新意思，隨時連影迷都覺得悶，所以佢為咗自己前途同埋銷路着想，一定要常常動腦筋，所以四仔女星絕對唔係瞓喺度咁簡單。
「我每次開戲之前，都會同製作部溝通一下，睇吓個劇本仲有咩地方可以改進，或者有咩地方可以加入新元素，總之我好着緊每一部四仔，有啲幕後工作人員，仲潤我係監製添！不過我唔會介意，而且公司都唔知幾欣賞我嘅投入，仲話出年會真係嘗試畀我做一兩部監製添！所以我覺得凡事只要投入，就會獲得應有嘅回報。」
三圍：34A-24-33
身高：5呎6吋
年齡：27
撰文：荒木