嗰日搵個相熟嘅髮廊燈頭歎茶，諗住索吓有乜夜遊料，點知佢一坐低就喺度呻，又話啲囡囡做乜要影相，又話啲囡囡無情情做乜將啲相擺上網。聽得一陣，先至知道佢喺度噏乜！原來佢旗下有個囡囡，居然將客人嘅相擺上網之餘，仲評頭品足一番，最慘就係畀個客睇到，結果搞到一鑊泡！
佢嘆咗口氣話：「嗰日收到個相熟玩家嘅電話，佢劈頭就狂媽叉我，跟住同我講話嗰日佢嚟我度，搵咗個囡囡疏乎。本嚟一切都好順利，完事後，囡囡就拎個手機出嚟影佢相。起初佢都唔為意，反而覺得幾過癮。等囡囡影完相後，佢就諗住拎部手機嚟影番囡囡，點知囡囡卻十萬個唔願意。玩家見到囡囡唔制，咪惟有唔影囉！點知過咗幾日，佢就收到個老友電話，話佢幅相畀人Pose咗上網。玩家唔信咪上去睇吓，發覺相中人真係佢嚟，於是咪扯火來電狂鬧囉！結果我足足畀人媽咗三個字呀！陰功！」咁又難怪玩家會扯火嘅，事關向來只有玩家影囡囡，然後擺上網做「包膠」，好少聽過囡囡反影玩家，兼夾擺上網。最重要係囡囡上網會出名，玩家卻唔想上網兼出名嘛！呢個囡囡確係抵鬧！
撰文：大軍